غيبوبة

غيبوبة

ليه كل ما جيت أسرح أذكرك إنت ِِ بالذات ؟؟

وليه كل ما شافتك عيني أوقع في غيبوبة ؟؟

كل ما جيت أكتبك في دفتري شعر وقصايد وأبـيات

أحس الخجل في قلبي مثل نار مشبوبة

مالك شبـيه لا بالكون ولا بالسما ولا النجمات

تعرفي عجايب الدنيا السبـع ؟؟ إنت ِ ثامنيتهم أعجوبة

مع الناس أكره الضحك واللعب والنكات

أكره الجلسات وسواليف الحب ودروبه

إنت ِ علاقتك غير عن كل العلاقات

لو يعرفون وش كبر حبك كان ضاعوا به

إنت ِ حبك .. أفراح ، ضحكات ، بسمات

إنت ِ حبك .. ما ألقى بعذابته عذوبه

حتى القلم ما عاد يعرف يوصفك بالأبيات

لين قلبي تعلق بك ونفسي فيك ِ مرغوبة

تدري إني أحبك .. وأحبك حتى الممات

وإنت ِ ولا تدري إنك بحياتي مكتوبة

أبعدتي عني كل الحزن والألم والآهات

تريديني بعد كل هذا الحب ما أوقع في غيبوبة ؟؟