أحبك عشق صافي

أحبك عشق صافي

أشتهي قربك وأحبك وأعشق بسمتك حيل

وأشتهي أبوس خدك وأقرب لجسمك وأضمه

ليت العروق إنتي وأنا بداخلك دم ٍ يسيل

ويحتويني جسمك الغالي وأكون قلبه ودمه

وأشتهي لا من شفتك تصيبني رعشة الليل

ورعشة جسمك مصيبه ألمسه وأبوسه وأشمه

دخيل الليل في قربك حبك يشب وعذاب ٍ و ويل

أبوس خدك ويلا أبوس الشفايف الملهمه

عاشق ٍ معشوق والغلا في العشق ماله بديل

يللي ملكتي القلب بعدك حياتي تصبح مدلهمه

فيني حب إن قلت لك عنه مايوصفك والله قليل

فيني مشاعر ٍ تشتعل مثل نار ٍ بداخلي مضرمه

أحبك مهما صار مهما تم ومهما قيل

إنتي في حياتي عسلها وفي دنيتي إنتي مهمه

أريد جسمك أشمه وأمسكه وأشده حيل

وأرجع أبوسك وألمك وأتنفس هواكي وألمه

ذابت شفاتي منك من حنانك من التقبيل

وزاد الشوق في عروقي وأنا أدري حبك وأفهمه

لوعيني فيكي لوعة ٍ مالها بالدنيا مثيل

وننسى هذا الزمن والناس والحضارة والعولمه

لين صار اليوم الحكي عن الفرقة مستحيل

وصرت أنا في الحب مجنون وروحي فيكي متيمه

أشتهي قربك حبيبتي معك للعمر الطويل

وأحبك عشق صافي بإخلاص وضمير وذمه

إحساس شاعر

إحساس شاعر

بكتب عن إحساسي في دفاتري القديمه

قصايد تعبر عن معاناة قلبي ودمي

وكنت طول ليلي أسعى بكل عزيمه

ويتحقق طموحي ويبتعد حزني وهمي

وأتمنى إني أكون إنسان له قيمه

وأحكي عن حبيب ٍ وأسولفه لعمي

أنا فعلا ً في حياتي ما إرتكبت جريمه

يا ترى كل الجرايم في الحب تدمي ..؟؟

أحتقر نفسي لو شفت حياتي عديمه

لا قريب ٍ يسمع ولا خل ٍ عايش ٍ يمي

وقت ٍ قضيته حزن وهم ٍ في ليالي آليمه

دمعة حزن متى أمسحها بطرف كمي

في زمن ما بقى فيه غير الظلم وأيام ٍ مالها أي قيمه

حتى الناس ما عادت تقدّر مدحي وذمي

ثقل السهر في عيني وحروف القصايد ضايعه يتيمه

لا جيت أسولف عن إحساسي في وسط قلبي ساكن ٍ غمي

أسباب الجفا

أسباب الجفا

لا تسألني عن أسباب الجفا مني

مدري هي نفسي من كثر الجفا إرتاحت..؟؟

تعبت أتصبر من هواك ومنت سائل ٍ عني

وحارت دمعتي بعيني ومابيها تبين وطاحت

مدري ليه حبك في وسط قلبي سكني

وأثر مشاعرك للأسف فجأة من الروح راحت

إنت مالك سبب إنك مشغول عني

لا تسألني ليه؟ وش صار؟ عيونك عن عيوني إنزاحت

ليه تغيب؟ ليه ما تسأل؟ ليه كنك تمتحني؟

ليه كل ما جيت أحبك في حاجتك روحي صاحت؟

أصبر على الجفا منك دام خاب فيك ظني

دام المحبة عندك اليوم فجأة إستباحت

إخلق الأعذار ما يهمك وقول غصب عني

آآآه وعرفت الحي كيف يموت وريحة الحزن فاحت

لا غاب عن روحي الغالي والألم في راسي يونـّي

ما عاد له تأثير فيني ودروبي عن دروبه تناحت

كنت أفرح من أشوفه وأضحك وأرقص وأغني

وألبس نهار الفرح وأحزاني معه راحت

والله لو إني ماعشقته وأقولها والله لو إني

ودريت بالنهاية إنها روحي من الجفا بعده إستراحت

أصدقاء المصالح

أصدقاء المصالح

ياكم من صديق ٍ يصادق صديقه

لأجل المصلحة تلقاه وثاق

وكم من صاحب ٍ صاحبه ما يطيقه

وتظهر صداقته على أحسن ميثاق

وإن إحتجت صاحب ٍ تمشي في طريقه

تلقى صحبته لها طعم ومذاق

وإن إحتاجك يعزك أكثر من شقيقه

لين يخلص مبغاه ثم يسعى للفراق

صرت حتى صعب ألقى صديقه

كل الصداقات بهالزمن صارت نفاق

حتى صديقك إللي يشيل من قلبك حريقه

أصبح يخليك بس للقصايد والأوراق

وإن كانت الصداقه لأجل المصلحه عميقه

أبد ما يحل بين الناس وفاق

صعب تلقى بهالزمن صداقه حقيقه

وإن لقيت شده وضمه بعناق

على كثر ما لقيت عشيق يترك عشيقه

كم من شخص ٍ بهالدنيا حس بشعور الإختناق

لا يغرك كل صاحب ٍ تمشي في طريقه

يستاهل الصدق والحب والعناق

كل البشر من تراب ٍ ومن نفس الخليقه

وكل شخص ٍ بهالدنيا لأجل مصلحته باق

الصـراحـة

الصـراحـة

يقولون إن في الصراحة .. راحه

وإن إللي يهوى تنقلب حالته عاطفية

والله إني جربت وحالتي ماهي مرتاحه

درس وتعلمته ، خليني بزمن الجاهلية

أقولها من واقع عشته وماجاب لي غير جراحه

من شخص ٍ ذقت الهنى معه بمحبه وهمية

حبه شق لي قلبي وبالغصب إجتاحه

وكنت أحسبه مثلي بالمحبة جنونية

صارحته بشعوري وبكل إحساس كان علي إفصاحه

وكم من الغلا والشوق كنت أقوله بروية

وأحسب إني بشوقي تزيد فيه أفراحه

وأثر كل الخطط فشلت وأصبحت عكسية

ماهمه شعوري ولا حتى شفت مزاحه

لين إنحرق قلبي قهر وحسيت بخنقة عليـّـة

شعور ٍ صدم روحي وذبح قلبي ذباحه

تمنيت مشاعري وقتها لو كانت مخفية

تغير المكنون فيني وماعادت روحي مرتاحه

وخاب ظني بظني ورجعت حياتي .. هيّـه هيّـه

الناس بهالزمن

الناس بهالزمن

الناس بهالزمن ما عادت ناس

مالوم قلبي حتى لو من الحزن مهموم

أصبحنا نجامل الواقع ونضحك مع الناس

حتى المجاملة ما عاد لها قيمة ولا لها أي لزوم

من كثر الألم بروحي ضاقت بي الأنفاس

ومن كثر السهر عيني أصبحت تشتهي النوم

الله خلق خلقه على عدة جنس وأجناس

لا صاحب ٍ ولا رفيق ٍ بهالزمن صداقته تدوم

كل ٍ لأجل مصلحته يعود معدنه معدن نحاس

واللي ماله نفع بالضيق ، نفعه فيه معدوم

كل ٍ بهالدنيا عند ربه نصيبه بمقياس

ماحد ٍ فينا كامل ٍ أو حتى من الخطأ معصوم

كثر الحكي وكثر القول يسبب مصدر إفلاس

والصمت حكمه في وقت حكم المظلوم

إما نعيش بواقع الظلم ونعيش بألم ويأس

أو نترك دروب الأمل تنتهي والحزن معنا يدوم

بعض البشر بهالدنيا الحكم عليه منداس

والبعض الآخر يفرض حكمه ولايدري إنه بالأصل محكوم

إنسانة بحياتي

إنسانة بحياتي

أنا ما أريد إنسانة بحياتي وأحب

أريد إنسانة تفهم بالحب وتـحب

كل البنات في هالكون وأغلب

البنات أخلاقهم ما هب ودب

في هالزمن ما يفيد الصدق ولا يفيد الكذب

وش تفيد المظاهر وشلون يفيد الطب

كل ليله أصلي لربي وأطلب

وألقى بنت الحلال ونار قلبي في حبها يشب

أحاول إني ألقى بنت الأوادم وأجذب

قلبها لي وأخلي حبها في قلبي يدب

أبـيها بنية حساسة وتكون تفهم بالأدب

وإن جا يوم وأخطأت تيجي علي وتعتب

ما هو كل من قال : أنا أحب

يحسب الحب بس عالورق ينكتب

كل الناس تسوي إنها تـفهم بقصص الحب

والحب عندي أنا يسوى أكثر من ذهب

الحب مشاعر وإحساس ونبض بالقلب

وإللي ما يفهم الحب يعيش حياته كلها تعب

تحب غيري

تحب غيري

أحبك وإنت متجاهل

أحبك وقلبي لك مايل

إفهم يا هالإنسان أرجوك

أحبك وإنت مش سائل

أريدك تكون محبوبي

وتنور لي دروبي

متى تفهم كلماتي

تراك بجد تتجاهل

إنت فعلا ً تجرحني

بسكوتك وإهمالك متعبني

ياخي أرجوك كلمني

لو حتى بكلمة .. بس جامل

أبيك تكون بس راضي

ومعي تنسى الماضي

تراك صامت عالفاضي

ليتني عرفتك من الأول

تبي تبعد..؟؟ وأنا ببعد

بس لا تقول خنت العهد

قلت إني أحبك جد

وإنت فعلا ً تستاهل

تقول إنك تحبني..؟؟

وبعدها تسافر وتغدرني..؟؟

كفاية لا تكلمني

أنا منك بديت أمل 

علامك منت طايقني

ومن الأول تريد تفارقني..؟؟

أنا هذا يللي محرقني

وإنت علي ما تسأل

بعد كم سنة وشهرين

رجع وبعيونه دمعتين

وجهه شاحب وحزين

وش فيك يالغالي متمايل..؟؟

بروحه وقلبه حنية

لكنها دوم مخفية

ماتظهر عليه ولاشوية

ولا يريد يتغزل

فجأة تغيرت حاله

وصار يتكلم لحاله

وجاني بلحظه سؤاله

من هو فينا الأجمل..؟؟

سكت ّ شوية أفكر

كلامه فعلا ً محير

حسيته كنه متغير

جمال المظهر ما يكمل

غلط وقال إسم ثاني

قال زلة بلساني

ماهقيته يحب شخص ثاني

خلاص ما أبيك .. إرحل 

كنت أحسبك من جد رفيق

وكنت لي أكثر من عشيق

وشوفتك تزيح كل ضيق

بس للأسف مافي أمل

كلامي لك ماهو بجراح

وأنا بهجرك بديت أرتاح

مثل هم وعن قلبي إنزاح

أنا أسف بس لا تزعل

تبي أرجعلك..؟؟ مستحيل

وقلبي لك ما عاد يميل

وعلى خدي أنا دموعي تسيل

إعمل نفسك متجاهل

أنا ما عدت أكثر أتحمل

مدري ليه مـتـثـقل

وعرفت ليش ما تسأل

طلعت للأسف تحب غيري

حبها الوحيد

حبها الوحيد

كنت أحسب نفسي حبها الوحيد

وكنت أظن إني الوحيد بقلبها موجود

أثر قلبها عني وعن روحي بعيد

وكل المشاعر إللي تكنها .. لها حدود

كثر المشاعر وكثر الحكي ما يفيد

ولا يفيد القول من كثر ذكر الوعود

على كثر ما أرسلت رسايل بالبريد

وعلى كثر ما كنت أستلم آلاف الردود

على كثر ما كانت في دمي والوريد

حتى بوجودي معها أحس إني غير موجود

ما ينفع الحكي لو أعيد وأزيد

الحب ما هو بالغصب ولا بالصدود

أنا فعلا ً أحبها وهي ما تريد

الحب ما هو بس إللي عندها موجود

قلبي ما هو قاسي من حديد

وما تحرقه شراره من وقود

الحب صافي يخلي عمري يزيد

يخليني أحس بنبض الوجود

أرجع وأقول وأذكر كلامي وأعيد

الحب ما هو بالغصب ولا بالصدود

الحب مشاعر وإحساس يمشي بالوريد

ما ينتهي ولا يفنى وماله بهالدنيا حدود

حبيب الروح

حبيب الروح

على طريق البحر وشاطيه إلتقيت في بنية

يجي مني كلام وتسألني من إنت ..؟؟

تقول لي بصوت خافت بالحب مالك علية

لأني قبل ماشوفك ذقت المر وكنت

قبل هالتجربة المرة بالحب إنضحك علية

وحاولت ألقى حبيب الروح بس ماتمكنت

وأنا إللي أخلصت وماهقيت أطلع ضحية

آآه ٍ من عذاب الحب وليتني منه ماتجرعت

من يداوي الجروح والعلة الداخلية

بس ماقويت الصبر وليتني في الحب ما تولعت

سولفت لي حتى إنتهت الحروف الأبجدية

ومن كثر ماسولفت على إيديني إرتمت

عطيت محبة لغيري وليتها ماكانت عطية

لين إنحرق قلبي ندم وعيوني أدمعت

والله إني مانويت أفتح معها قضية

لين خلصت شكوتها ومن سوالفها إنتهت

قلت إستهدي بالله وخفي علي شوية

إلتقيتك على طريق البحر وعلى شاطيه توقفت

بستريح على رمل البحر وبقربك هنيّة

يشهد الله إني بكلامك وبغرامك تولعت

من يلوم المغرم والمولع بالحب يالأدمية..؟؟

مادريت بعذاب الحب لين طعمه تذوقت

أدري ، هلت منك عبارات حزن مخفية

وإن خان غيري بالحب .. في حبك أنا ماخنت

من يوم شفت وجهك ، و خدودك ، وشفاهك الوردية

سرحت في خيالي وضعت فيك ِ يابنت

على ذاك البحر .. رسيت نفسي شوية

وخفت أتركك لكني ما تحملت

أبي أسولف معك وأدري إنك وفية

لالاتصديني لأني في قلبك تربعت

لاتحسبي إنك إنسانة في زمان الجاهلية

كني أجهل أنا والله ولا أدري إني جهلت

يابنت إنتي على بالك قصتي بالحب وهمية..؟؟

من يخون الحب..؟؟ أنا من كثر الحب تدللت

ياحظ من سكن قلبك وعاش بروحك الهنيّة

لو تطلبي عيوني ... تامري ما رفضت

أخاف الله يعذبني ويحسبها لي خطية

إبتديت معها بلحظة وصال وتوقفنا على صمت

قلبي لو تبيه .. يفداها مع روحي هدية

ولين سألتني عن الحب ..؟؟ أسكت ماتكلمت

أحلف بالله إني عشقت بجنون هالآدمية

وإن جار فيني الوقت من صمتي تعذبت

يارقيقة الإحساس .. تكفين حسي فية

لا تقولي إني غريب من وين ومن إنت..؟؟

إن كنت أستاهل ناظري في عينية

وإن كنت بالهوى جاهل قولي تسرعت

أرجوك ِ لا تسكتي ولا تخفي بكلامك علية

أدري إنك تحبيني وأدري إني قلبك فتنت

حكم القدر

حكم القدر

بداية أكتب على الأوراق قصيدة من إللي يجرالي

في هالدنيا وبين الناس والحرمان ومافيها

مدري هو أنا غلطان أو محدن ٍ حاسس بحالي

وكل إللي يجرى بهالكون من آلام وتواليها

أكتب شي عن الأردن مهما صار مايهدى بالي

لأن الناس بتعاني من الظـّلام وضواريها

عنا الشعب لئيم الروح وقاسي القلب وإستغلالي

وكل شخص ٍ في مصلحته تشوفه الدنيا ناسيها

خبر عاجل من لبنان جالي مسج بجوالي

هونيك الناس يا ئلبي عم بتموت بماضيها

وفلسطين الناس بتموت والحكم والله ما يبالي

وين العدل من الظـّلام ليش يغزو أراضيها

لمتى نستقبل في بلدنا جروح وطعون وأهوالي

لمتى نسكت وهم يستغلون الناس وبيوتها وأراضيها

مالهم غير بنهب الشعب ومن الخوف الناس  ما تبالي

وكل هالكون مالو لزوم إذا العدل موفيها

حتى الحب في هالدنيا صار يموت قبالي

أريد إنسان بهالدنيا حياتي معه أنهيها

أبي أرتاح مع شخص ٍ وأحس الدنيا تصفالي

أنا بالشعر إنسان أكفكف دموعي وأواسيها

مدري توصل لأي إنسان ويحس بحزني وموالي

مدري هو أنا غلطان لأن قصتي أرويها 

نشوف بعيوننا ونسكت رغم الظلم متعالي

بعد هالعمر أنا والله حياتي ماعدت أحس فيها

أريد أصرخ أنا محتاج يقف جنبي الغالي

حتى قصيدتي من الأحزان ما عادت توفي معانيها

أريد شي من الوجدان ينهي وضعي الحالي

عندي ثقه بالله كل أحزاني يمحيها

تعبت أبحث وأضّـيع سنين أدور على عشق تالي

وألقى بدنيتي إنسان ومعه حياتي أبديها

إلين أنا تأكدت ربي شاعر بحالي

وشايف كل هموم الناس وكل أحزانهم مشفيها

بعرف بس شالموضوع بدل ما وسع أمالي

وجعة راس وقلب مخنوق أنا من قهري مسويها

كفاية أنا والله ما أستاهل أبد كل إللي يجرالي

وإذا على الصبر بصبر وحياتي من جديد أبديها

حياتي أبيات

حياتي أبيات

بكتب حياتي كلها أبيات ٍ في أبيات

لعلي بالقصيدة أنفض الهم عني

في دفتر ٍ ما بقى فيه غير الألم والمعانات

مدري ليه الفرح فجأة إنسلب مني

مرت ليالي كانت شقى ، وحزن ، وآهات

ليالي مليانة غربة وألم في راسي يونـّي

أنتظر يوم ٍ تمتلي فيه حياتي بسمات

جالس ٍ في عتمة الليل في يوم ٍ عطيب ٍ ذبحني

ليت الزمن يرد لي بعض ذيك الساعات

يوم كان الفرح في قلبي وحياتي ساكني

إن قلت الحزن رد الحرف لي بضحكات

إن قلت بصدق جاوب القلم عني

كنت أضحك وأبتسم والحزن في روحي يبات

ماهقيت السعادة خيال ٍ والشقى في حياتي ملكني

أريد أصرخ أريد أحكي أريد أكون علاقات

أريد إنسان ٍ إذا إحتجته في الضيق يفهمني

مليت الشقى وقلبي ينحرق بسكات

من يقدر يوقف ذاك الآسى مني ..؟؟

سؤال ٍ ذبحني صار في حياتي مآسات

ليه الآلم والحزن في روحي وقلبي سكني ..؟؟

خسارة إني حبيتك

خسارة إني حبيتك

خسارة حبي لك يوم عرفتك أنا وحبيتك

وبديت أكذب على نفسي وأقول إنك الغالي

خدعني حبك القاسي وغلطة عمري هويتك

ولقيتك غارق بحبي وشاغل فكري وبالي

فجأة صرت نبض روحك وبضلوع قلبي خبيتك

ولكن بانت الكذبة وجرحتني بقلبك الخالي

علي دارت اللعبة وليتك ما عرفتني ليتك

خيرتك بيني وصديقك وصدمتني بردك الجالي

خسارة في حبك الخوان خسارة حبيبي سميتك

خطاي  إني صدقتك ولا إنت حاسس بحالي

كفاية تعبت من غدرك وخسارة بقلبي حطيتك

سايرتك أنا وعلى كيفك غيرت وضعي الحالي

حفرتك بداخلي وفكري وقلت لك قلبي هو بيتك

أنا والله ما أستاهل أبد كل اللي يجرالي

أنا أول من حبك وروحي وقلبي أهديتك

وشلون إنت تخدعني وتهد كل آمالي..؟؟

أبيك إنت تنساني لأني والله نسيتك

قسم بالله وحياتك غلطت بقدرك العالي

قسم بالله مدري ليش إختلف وضعي وجازيتك

أريد أعرف شالموضوع علامك صرت ما تبالي..؟؟

أبيك تسمع شي واحد : خسارة إني حبيتك

ولا تظن في يوم أرجع..!! ما تستاهل أمثالي

خـيال شـاعر

خـيال شـاعر

تخيلت مرة وأنا جالس

مدري وين كنت سرحان...

تخيلت بنيّـة جـتـني

ومع أهلي سولفت وطلبتـني

الجمال كلو إنجمع فيها

وقلبي فجأة إنغرم فيها

أشوف بنيّـة قدامي..؟؟

أو مشهد في أحلامي..؟؟

أو كنه حلم ف منامي...!

قالتلي عن حبها الماضي..

وسولفت وحكت حكي فاضي

وقالت أبيك تكون محبوبي

وأبيك تكون معي راضي

فكري سرح ...

وفجأة عيني أدمعت

وخدودها حمرو خجل

وإعتذرت مني وإستسمحت

قريتلها من كتابي

قصايد عدت الخمسين

وقمت سكرت بابي

وسولفت عن صحابي

وإللي صار بغيابي

دق الباب ودخل عمي

هلاااا عمي..!!!

عيونو طلعت من راسو

وكتم بداخلو أنفاسو

قال لي شي عن البنيّـة

هي مخلصة و وفيـّـة

وبقلبها دوم حنيـّـة

كلام الفرح كلو واضح بنبراتو

وتركـتو يكمل... حتى ينهي حكياتو

وصوتها........!!!

صوتها لما ناداني ....

حسيت رعشة بكياني

صوتها الغالي خلاني أنسى الدنيا وحالي

أنسى الخوف وأهوالي....

وقعدنا أنا وهي نتكلم

في الحب والغزل نتعلم

قولو علي مجنون ..

قولو عني مفتون ..

قولو إللي تقولون ..

مستقبلي معها إيش يكون ؟؟

أو كيف حياتي ممكن تكون ؟؟

جالي ميت تفكير .. بس مقدر على التفسير

مشكلتي ماعندي مال

وأنا بس إللي أريدو

أعيش معها بالحلال

وصرت أدور على وظيفة

أعيش فيها حياة شريفة

وتكون شغلة سهلة وخفيفة 

  

وبعد كم فترة أسبوع .....

حتى لقيت شغلة صغيرة

هات قهوة وهات شاي

للي رايح وإللي جاي

إمسح هون ونظف هون

وأنا على الشغل مجبور

لـكن بداخلي كثير مقهور

رتب الكراسي والورق

ريحة المكتب كلو عرق

تعبت وهو ولا يبالي

ولو أيوب شاف حالي..؟ من الشوف فقد صبره

وبعد ما مرت الأيام ...

جاني أبو البنيّـة ..

وقال لي بصوت حنون :

إنت فيك الكرم والطيب ، وأريدك تكون لبنـتي حبيب

طرت بـخيالي وأبعدت

فـوق السما العالي

ومن الفرحة عيوني أدمـعت

وتـغير وضعي الحـالي

ربـنا كبـير .. ما ينسى إللي يسمعلو

وعلى طول العمر

يخلي حياتو تتغير